Tann 21. februar var Karavella Marionett-Teatur og vitjaði í Frískúlanum í Havn.
Leikararnir siga allir sum við ein munn, at sjáldan hevur tað verið so stuttligt at spæla sum tann dagin. Børnini vóru so áhugað, og settur eitt ótal av spurningum eftir sýningina. Tey vildu vita, hvussu alt um hvussu leikhúsið og leikurin og leikararnir vóru vorðnir til, og hóast tey ikki sluppu afturum pallin, so var forvitni stórt at vita, hvat fyrigekk har afturi. Hvussu nógv vóru har aftanfyri og spældu?
Svari var sjálvandi, at har eru 13 leikarar og so músin, gásin og Rakel, sum eru rekvisittir.
Í gár fingu vit so handað eina virðismikla gávu frá børnunum á Miðhæddini í Frískúlanum, tey sum ganga í 1. og 2. flokki: Eina rúgvu av takkarbrøvum við fínum tekningum. Her er ein mappa við øllum brøvnum.
 |
| Vitjan í Frískúlanum - brøv frá miðhæddini |
Vit eru øll á Karavella djúpt rørd og takka børnunum á Miðhæddini fyri brøvini.
Leikararnir eru sera ernir av at verða so vakurt avmyndaðir!
